ตานิเยว อเสกฺขานิ ปญฺจินฺทฺริยานิ  ตีหิ ขนฺเธหิ สงฺคหิตานื สีลกฺขนฺเธ
สมาธิกฺขนฺเธน ปญฺญากฺขนฺเธน. อยํ ขนฺเธหิ โอตรณา.

ตานิเยว อเสกฺขานิ ปญฺจินฺทฺริยานิ สงฺขารปริยาปนฺนานิ เย สงฺขารา อนาสวา,
โน จ ภวงฺคา, เต สงฺขาเร ธมฺมธาตุสงฺคหิตา อยํ ธาตูหิ โอตรณา.

สา ธมฺมธาตุ ธมฺมายตนปริยาปนฺนา ยํ อายตนํ อนาสวํ
โน จ ภวงฺคํ อยํ อายตเนหิ โอตรณา.

อยํ อหสฺมีติ อนานุปสฺสี"ติ อยํ สกฺกายทิฏฐิยา สมุคฺฆาโต
สา เสกฺขวิมุตฺติ. ตานิเยว เสกฺขานิ ปญฺจินฺทฺริยานิ อยํ อินทริเยหิ โอตรณา   

ตานิเยว เสกฺขานิ ปญฺจินฺทฺริยานิ วิชฺชา, วิชฺชุปฺปาทา อวิชฺชานิโรโธ
อวิชฺชานิโรธา สงฺขารนิโรโธ เอวํ สพฺโพ ปฏิจฺจสมุปฺปาโท อยํ ปฏิจฺสมุปฺปาเทหิ โอตรณา 

สาเยว วิชฺชา ปญฺญากฺขนฺโธ. อยํ ขนฺเธหิ โอตรณา.

สาเยว วิชฺชา สงฺขารปริยาปนฺนา, เย สงฺขาราอนาสวา,
โน จ  ภวงฺคา,  เต สงฺขารา ธมฺมธาตุสงฺคหิตา, อยํ ธาตูหิ โอตรณา.

สา ธมฺมธาตุ ธมฺมายตนปริยาปนฺนา, ยํ อายตนํ อนาสวํ, โน จ ภวงฺคํ, อยํ อายตเนหิ โอตรณา. 

เสกฺขาย ๗ วิมุตฺติยา อเสกฺขาย จ วิมุตฺติยา วิมุตฺโต อุทตาริ โอฆํ อติณฺณปุพฺพํ
อปุนพฺภวาย. เตนาห ภควา "อุทฺธํ อโธ"ติ